Translate

14 February, 2016

ഇനിയും പറയാതെ വയ്യ...

ഫേസ്ബുക്ക്, ടിറ്റർ.... അങ്ങനെ നീളുന്ന സോഷ്യൽ മീഡിയകൾ സമൂഹത്തിൽ വലിയ സ്വാധീനം ചെലുത്തുന്നുണ്ടോ എന്നൊരു തോന്നൽ.
ഒന്നല്ല ഒരുപാട് തവണ കണ്ടും കേട്ടും മനസ്സിലായ ഒരു കാര്യം പറയാം.
മാധ്യമങ്ങളിൽ ദിവസവും വരുന്ന വാർത്തകൾ എല്ലാവരും കാണാറുണ്ട് അതിൽ സത്യസന്തമായത് വളച്ചൊടിച്ച് തെറ്റായ വാർത്തകളും ഉണ്ടാവാറുണ്ട്.
പുതിയ തലമുറ എന്ത് കേട്ടാലും കണ്ടാലും പ്രതികരിക്കാറുണ്ട് എന്നൊന്നും പറയാൻ പറ്റില്ല.
പക്ഷെ അവർ ആവശ്യമില്ലാത്ത പലയിടങ്ങളിലും തലയിട്ട് ആവശ്യമുള്ളിടത്ത് പ്രതികരിക്കാതെ
അനാവശ്യമായി ഒരുപാട് പ്രശ്നങ്ങൾ ഉണ്ടാക്കുന്നുണ്ട്.
പ്രതികരിക്കേണ്ട പലയിടത്തും വേണ്ടത് പോലെ സമയത്ത് പ്രതികരിച്ചിരുന്നുവെങ്കിൽ ഒരുപാട് മനുഷ്യ ജീവനുകൾ നഷ്ട്ടപെട്ട വാർത്തകൾ നമുക്ക് കാണാൻ ഇടവരില്ലായിരുന്നു.
മീഡിയകളിലും പത്രങ്ങളിലും വരുന്ന വാർത്തകൾ ഇപ്പോൾ സോഷ്യൽ മീഡിയകളിലും നമുക്ക് വായിക്കാൻ അവസരം ഉണ്ടാവാറുണ്ട് .
അത്തരത്തിൽ സോഷ്യൽ മീഡിയകളിൽ വരാറുള്ള വാർത്തകൾ വായിക്കുമ്പോൾ അതിന് താഴെ അഭിപ്രായം രേഖപ്പെടുത്താൻ എല്ലാവര്ക്കും അവസരം ഉണ്ട്.
ഒരു വാർത്ത എന്നല്ല പല തരം വാർത്തകൾ വന്നപ്പോൾ ഞാൻ ശ്രദ്ധിച്ചിരുന്നു വാർത്ത കൾക്ക്
താഴെ ആയിരകണക്കിന് കമന്റുകൾ നിറഞ്ഞിരിക്കുന്നു.
കമന്റിലേക്ക് ഒന്ന് കണ്ണോടിച്ചു നോക്കൂ. അപ്പോൾ നിങ്ങൾക്ക് മനസ്സിലാകും 90% ശതമാനവും വർഗ്ഗീയത നിറഞ്ഞ കമന്റുകളാണ്.
പരസ്പരം തെറി വിളികൾ, അഛന് വിളികൾ, അമ്മക്ക് വിളികൾ, അവന്റെ ദൈവത്തിന് തെറിവിളി ഇവന്റെ ദൈവത്തിന് തെറിവിളി അങ്ങനെ പറയാൻ പറ്റാത്ത പലതും .....
ഞാൻ പറഞ്ഞത് സംസ്കാര സമ്പന്നമായ കേരളത്തിലെ മലയാളികളുടെ കാര്യമാണ്.
വെറുതെ പയുന്നതല്ല.
നിങ്ങൾ ഒരു വാർത്തയുടെ താഴെയുള്ള കമന്റുകൾ വായിച്ചാൽ മനസ്സിലാകും തമ്മിൽ കടിച്ച് കീറാൻ
തയ്യാറായി നിൽക്കുന്ന മനുഷ്യരുടെ മനസ്സിലെ തീ നിറച്ച വാക്കുകൾ.
ഇങ്ങനെ വർഗീയത നിറഞ്ഞ കണ്ണുകളിലൂടെ നമ്മൾ ഏതൊരു കാര്യങ്ങളെയും നോക്കി കാണാനും വിളിച്ച് പറയാനും തുടങ്ങിയാൽ ...
നമ്മുടെ സ്വന്തം രാജ്യമായ ഇന്ത്യ വിവിധ ജാതി മത വിശ്വാസികൾ ജീവിക്കുന്ന നാടാണ്. വർഷങ്ങൾക്ക് മുമ്പ് നമ്മുടെ രാജ്യത്തിന്‌ വേണ്ടി ജീവൻ വെടിഞ്ഞ ഒരുപാട് മഹാത്മാക്കളുടെ പ്രയത്നത്തിന്റെ ഫലമായി അവരുടെ ജീവന്റെ വിലയായി നമുക്ക് കിട്ടിയ സ്വാതന്ത്ര്യം അതാണ്‌ ഇന്ത്യ. അല്ലാതെ ഇന്ത്യ ആരുടേയും തറവാട് സ്വത്തോ സ്ത്രീധന സ്വത്തോ അല്ല.
നമുക്ക് കിട്ടിയ സ്വാതന്ത്ര്യം അത് നമ്മൾ ഉപയോഗിക്കുന്നത് മറ്റുള്ളവരെ ദ്രോഹിക്കാൻ വേണ്ടി മാത്രമായിപോകരുത്.
എല്ലാ മതങ്ങളിലും വിശ്വസിക്കാനും വിശ്വസിക്കാതിരിക്കാനും അഭിപ്രായം പറയാനും സ്വാതന്ത്ര്യം നമുക്കുണ്ട് .
നമ്മുടെ രാജ്യം മറ്റുള്ള രാജ്യങ്ങളെ അപേക്ഷിച്ച് എത്ര സമാധാനപരമായ അന്തരീക്ഷമാണ്.
ദിവസവും ആയിരക്കണക്കിന് ആളുകൾ ബോംബ്‌ പൊട്ടിച്ചും കലാപങ്ങൾ സൃഷ്ട്ടിച്ച്ചും തമ്മിൽ തല്ലിയും മരിക്കുന്നു. ഒരിക്കലും സമാധാനമില്ലാത്ത അന്ധരീക്ഷം, വെടിയും പുകയും, ടാങ്കറുകളും, ബോംബുകളും, അണു ആയുധങ്ങളും മൃത ശരീരങ്ങളും കണ്ട് ഉറക്കം ഉണരേണ്ടി വരുന്ന ജനസമൂഹത്തെ പറ്റി നിങ്ങൾ ചിന്തിച്ചിട്ടുണ്ടോ.
കുട്ടികൾക്കും സ്ത്രീകൾക്കും പോലും യാതൊരുവിധ സംരക്ഷണം ലഭിക്കാത്ത രാജ്യങ്ങൾ.
ദിവസവും മരിക്കുന്നത് നിരപരാതികളായ മനുഷ്യർ. മക്കളുടെയും സഹോദരന്റെയും ചിന്നി ചിതറിയ മൃത ശരീരങ്ങൾ പെറുക്കി എടുക്കേണ്ടി വരുന്ന ജനസമൂഹം.
സമാധാനമെന്ന വാക്ക് അവർ കേട്ടതല്ലാതെ അവർ ഒരിക്കലും അനുഭവിച്ചിട്ടുണ്ടാവില്ല.
ഒരു രാജ്യത്തിലെ ജനങ്ങളുടെ ജീവന് യാതൊരു വിധ സംരക്ഷണവും നൽകാനാവാത്ത ഭരണ സംവിധാനങ്ങൾ. ഇന്നലെയും യുദ്ധം ഇന്നും യുദ്ധം നാളെയും യുദ്ധം ഒരിക്കലും തീരാത്ത യുദ്ധങ്ങൾ.
ഒരു നേരത്തെ ആഹാരത്തിന് വേണ്ടി തൊണ്ട നനക്കാൻ ഒരൽപം വെള്ളത്തിന് വേണ്ടി ഉടുക്കാൻ ഒരൽപം വസ്ത്രത്തിന് വേണ്ടി മറ്റുള്ളവരുടെ നേർക്ക് കൈകൾ നീട്ടുന്ന കുട്ടികളും സ്ത്രീകളും അടങ്ങിയ ജനസമൂഹം.
അവർക്ക് എന്ത് കൊണ്ട് ഇങ്ങനെ നരക ജീവിതം അനുഭവിക്കേണ്ടി വരുന്നു..?
അതിന് കാരണം അവിടെയും ഉണ്ടാവും തല തെറിച്ച ഒരു സമൂഹം.
മതത്തിന്റെ പേരിലും വിഭാഗത്തിന്റെ പേരിലും അധികാരത്തിന്റെ പേരിലും തമ്മിലടിച്ച് മരിക്കാൻ വേണ്ടി ജനിച്ച വിവരമില്ലാത്ത കുറെ യുദ്ധക്കൊതിയന്മാർ.
അവർക്ക് സ്വയം ജീവിക്കുന്നതിനേക്കാൾ ഇഷ്ട്ടം മറ്റുള്ളവരുടെ ജീവനെടുക്കലാണ്.
നമ്മളും അങ്ങനെ ഒരു ജീവിതമാണോ ആഗ്രഹിക്കുന്നത് ...?
അങ്ങനെയാണെങ്കിൽ ഈ നിലയിൽ മുന്നോട്ട് പോയാൽ വൈകാതെ നമുക്കും ഇതെല്ലം തന്നെയാവും വരാനിരിക്കുന്നത്.
ലോകത്തിൽ പല രാജ്യങ്ങളും സമാധാനം ആഗ്രഹിക്കുമ്പോൾ നമ്മൾ നമുക്ക് കഴിയും വിധം പുതിയ പ്രശ്നങ്ങൾ എഴുതിയും പറഞ്ഞും സൃഷ്ട്ടിക്കുന്നു.
ഇന്ത്യ എന്ന രാജ്യത്ത് എല്ലാവിധ സ്വതന്ത്രവും ലഭിച്ച ഒരു ജനതയുടെ അഹങ്കാരമായി മാത്രമേ ഇതിനെ കാണാനാവു..
നമുക്ക് നമ്മുടെ ഭരണ സംവിധാനത്തെ വിമർശിക്കാം, അവരെ കുറ്റം പറയാം, നീതിന്യായ വ്യവസ്ഥയെ പോലും വിമർഷിക്കാനുള്ള സ്വാതന്ത്രിം നമുക്കുണ്ട്. ഇങ്ങനെ സകല സ്വാതന്ത്രം ലഭിക്കാൻ നമ്മൾ ഈ രാജ്യത്തിന് വേണ്ടി ഒന്നും ചെയ്‌തിട്ടില്ല.
എന്നിട്ടും നമ്മുടെ ജീവനും സ്വത്തിനും സംരക്ഷണം നൽകുന്ന ഇന്ത്യ എന്ന മഹാ രാജ്യം.
നമ്മുടെ രാജ്യത്ത് നമുക്ക് എല്ലാം കൂടിപോയതിന്റെ പേരിലാണോ പരസ്പരം തമ്മിലടിക്കുന്നത്..?
പല രാജ്യങ്ങളിലും ഭരിക്കുന്ന സർക്കാരിനെതിരെ ഒരഭിപ്രായം പോലും പറയാൻ ജനങ്ങൾക്ക് സ്വാതന്ത്രം ഇല്ല.
നമ്മൾ സോഷ്യൽ മീഡിയകളിൽ അഭിപ്രായം എഴുതുന്നത് പോലെ അവർക്കെ എഴുതാനോ പറയാനോ പറ്റാത്ത ഭരണ വ്യവസ്ഥകൾ.
എന്തിനും ഏതിനും വര്‍ഗ്ഗീയത കലരുന്ന ചിന്തകളും കമന്റുകളും എഴുതി സാമൂഹിക മാധ്യമങ്ങൾ നിറക്കുന്ന മനുഷ്യാ...
കണ്ടും കേട്ടും പലർക്കും മനസ്സ് മടുത്തു........
നമ്മൾ ഒരു കാര്യം മനസ്സിലാക്കണം ഇങ്ങനെ ഈ നിലയിൽ ഒരു സമൂഹത്തിൽ വർഗീയത നിറച്ച് നാം മുന്നോട്ട് പോയാൽ അടുത്ത തലമുറക്ക് ഇവിടെ സ്വസ്ഥമായി ജീവിക്കുവാൻ കഴിയുമെന്ന് തോനുന്നില്ല.
ഹിന്ദുവല്ല മുസ്ലിമല്ല കൃസ്ത്യനല്ല മനുഷ്യനാവുക.... മനുഷ്യത്തം ഉള്ള നല്ല മനുഷ്യൻ.

ഇനി വർഗീയതയും തീവ്രവാദവും മനസ്സിൽ നിന്നും പുറത്തേക്ക് നിറഞ്ഞ് തുളുമ്പി വരുന്നവർ സ്വയം ഉള്ളിലൊതുക്കി ജീവിക്കുവാൻ ശ്രമിക്കുക. എന്തെന്നാൽ നല്ലതിനെ എറ്റു പിടിക്കാൻ ആളില്ലെങ്കിലും ചീഞ്ഞതും വർഗീയത നിറഞ്ഞതും എല്ലാം കുത്തി പൊക്കി അതിന്റെ പേരിൽ വാളെടുക്കാനും കൊല്ലാനും ആളുകൾ ഒരുപാട് ഉണ്ടാവും.
നിങ്ങൾ നല്ലത് ഒന്നും തന്നെ ചെയ്തില്ലെങ്കിലും കുഴപ്പമില്ല പക്ഷെ മനസ്സിലെ തിന്മ നിറഞ്ഞ ദുഷിച്ച
ചിന്തകൾ കുത്തിവെച്ച് ഒരു തലമുറയെ നാശത്തിലേക്ക് നയിക്കരുത്.
സ്വന്തം മതത്തിൽ വിശ്വസിക്കാനും മറ്റു മതങ്ങളെ ഭഹുമാനിക്കാനും നമുക്ക് മനസ്സുണ്ടാവണം.
എല്ലാ മതങ്ങളും സമാധാനം സ്നേഹവും മാത്രമേ ആഗ്രഹിക്കുന്നുള്ളൂ. മതങ്ങളുടെ പേരിൽ മുതലെടുപ്പ് നടത്തി സമൂഹത്തിൽ വർഗ്ഗീയത സൃഷ്ട്ടി ക്കുന്നവരെ തിരിച്ചരിഞ്ഞ് അവരെ ഒറ്റപ്പെടുത്താൻ കഴിയാത പോകുന്നത്താണ് നമുക്ക് പറ്റിയ തെറ്റ്.
നാളെ മരിക്കുന്നതിന് മുമ്പ് ഒരു നല്ല വാക്കോ പ്രവൃത്തിയോ ചെയ്താൽ അത് മാത്രം എന്നും
തണലായി കൂട്ടിനുണ്ടാകും. അതാണ് ഇതുവരെ ഉണ്ടായിട്ടുള്ള ചരിത്രം. അല്ലാത്തവർക്ക് ചരിത്രത്തിന്റെ നല്ല ഏടുകളിൽ സ്ഥാനമുണ്ടാവില്ല.
ഒരാൾ തുമ്മിയാൽ അതിൽ പോലും വ‍ര്‍ഗ്ഗീയത കുത്തിക്കയറ്റുന്ന മാധ്യമങ്ങളും അതിനെ കണ്ണുമടച്ച് വിശ്വസിക്കുന്ന കുറച്ചാളുകളും.
മതങ്ങളല്ല പ്രശ്നം മതങ്ങളുടെ പേരിൽ മുതലെടുപ്പ് നടത്തുന്ന വിവരമില്ലാത്ത നേതാക്കളും എന്തും കണ്ണടച്ച് വിശ്വസിക്കുന്ന ഒരു കൂട്ടം ജനങ്ങളുമാണ് രാജ്യത്തിന്റെ തീരാത്ത ശാപം.
കേരളം ഭ്രാന്താലയമാണോ അതോ അങ്ങനെ ആക്കി മാറ്റുവാൻ ശ്രമിക്കുകയാണോ.???

No comments:

Post a Comment