Translate

18 November, 2017

ഇസ്ലാം മതം അടിസ്ഥാനവും തെറ്റിദ്ധാരണകളും

ഒന്നുകിൽ ISIS എന്ന സങ്കടനയിൽ ഉള്ളവർ മണ്ടൻമാർ...
അല്ലെങ്കിൽ ഈ സങ്കടന ഉദേശിക്കുന്നത് അറബി എഴുതിയ കൊടിയുടെ മുന്നിൽ തോക്കും പിടിച്ച് നിന്ന് ഇസ്ലാമിനെ മറ്റുള്ളവരുടെ മുന്നിൽ തീവ്രവാതികളാക്കി ചിത്രീകരിക്കുക.
അങ്ങനെ ലോകത്ത് ഇസ്ലാം ഭീകര സങ്കടനയെന്ന് വരുത്തി തീർക്കുക....
ഇന്ത്യയിൽ മാത്രം ഇങ്ങനെയുള്ള വാർത്തകൾ പ്രചരിപ്പിക്കപെടുന്നതിന്റെ പിന്നിൽ ഗൂഢലക്ഷ്യങ്ങളുണ്ട്..
IS തീവ്രവാദികൾ മുസ്ലിം ആയിരുന്നെങ്കിൽ അവർ ഇസ്ലാം മതത്തെ തന്നെ അപമാനിക്കുന്ന പ്രവൃത്തികൾ ചെയ്യുകയും ഇങ്ങനെയുള്ള ഫോട്ടോയും വീഡിയോയും പരസ്യമായി അവർ തന്നെ പ്രചരിപ്പിക്കില്ല.

ഖുർആനിൽ വ്യക്തമായി പറഞ്ഞിട്ടുള്ള ഇസ്ലാമിന്റെ 5 നെടുംതൂണുകൾ ഇവ മാത്രമാണ്......
1. ശഹാദത്ത്
(അല്ലാഹു ഒഴികെ ഒരു ആരാധ്യനും ഇല്ല എന്ന് ഞാന്‍ സാക്ഷ്യം വഹിക്കുന്നു. മുഹമ്മദ് അല്ലാഹുവിന്റെ ദൂതനാണെ‌ന്നും ഞാന്‍ സാക്ഷ്യം വഹിക്കുന്നു.)
2. നിസ്ക്കാരം
3. സകാത്ത് കൊടുക്കുക
4. റമളാന്‍ മാസം വ്രതമനുഷ്‌ഠിക്കുക
5. ക‌അ്‌ബത്തി‌ങ്കല്‍ ചെന്ന് ഹജ്ജ് ചെയ്യുക

മുകളിൽ പറഞ്ഞ 5 കാര്യങ്ങൾ മാത്രമാണ് ഇസ്ലാം മതവിശ്വാസ പ്രകാരം ഒരു മുസ്ലിമിന് ചെയ്യാൻ കൽപിക്കപെട്ടിട്ടുള്ളൂ......
ഒരാള്‍ യഥാര്‍ത്ഥ മുസ്‌ലിമാകണമെങ്കില്‍ മുകളില്‍ പറഞ്ഞ അഞ്ചു സംഗതികളും അവനില്‍ ഒ‌ത്തുകൂടണം. ഏതെങ്കിലും ഒന്ന് ഇല്ലാതായാല്‍ അവന്റെ ഇസ്‌ലാം അപൂര്‍ണ്ണമായിത്തീരും. ഒരു കാര്യം ഇവിടെ വ്യക്തമാക്കാം, ഉദാഹരണത്തിന്‌ ധനികനു മാത്രമേ സകാത്ത് നിര്‍ബന്ധമുള്ളൂ. സകാത്ത് കൊടുക്കാന്‍ ബാധ്യസ്ഥനായ വ്യക്തി അതു കൊടുക്കാതെ വരുമ്പോള്‍ അവന്റെ ഇസ്‌ലാം അപൂര്‍ണ്ണമായിത്തീരുന്നു. ശാരീരികവും മാനസികവും സാമ്പത്തികവുമായ കഴിവ് ഉള്ളവര്‍ക്കേ ഹജ്ജ് നിര്‍ബന്ധമുള്ളൂ. ഈ കഴിവ് ഇല്ലാത്ത വ്യക്തി ഹജ്ജ് ചെയ്യാതിരുന്നാല്‍ അവന്റെ ഇസ്‌ലാമിന് ഒരു ന്യൂനതയും സംഭവിക്കുകയില്ല.

IS ൽ ചേരാനും ആട് മേക്കാനും ഇസ്ലാം മതത്തിൽ എവിടെയെയും പറഞ്ഞിട്ടില്ല.

വാട്ട്സാപ്പിലും ഫേസ് ബുക്കിലും വരുന്ന audio ക്ലിപ്പുകൾ  മനസ്സിൽ വർഗീയതയുള്ള വായിൽ നാക്കുള്ള ഏത് മനുഷ്യനും സൃഷ്ടിക്കാൻ കഴിയുന്ന കാര്യങ്ങൾ മാത്രമാണ്.
അത്തരത്തിലുള്ള കാര്യങ്ങൾ നോക്കി കൊണ്ട് ഇസ്ലാം മതത്തെ വിലയിരുത്താൻ ശ്രമിക്കുന്നവരോട് ഒന്ന് മാത്രമേ പറയാനുള്ളൂ...
ഖുർആന്റെ മലയാളം പരിഭാഷ ലഭ്യമാണ് വായിച്ച് നോക്കാം, അല്ലാതെ കണ്ണ് പൊട്ടൻ ആനയെ കണ്ടത് പോലെ സ്വർഗത്തിലെ ഹൂറിയുടെ കഥയുമായി വരുന്നവരോട് മറ്റൊന്നും പറയാനില്ല. ഇസ്ലാം ഇന്ത്യയിൽ മാത്രമുള്ള മതമല്ല.

ഇസ്‌ലാം ഒരു ലോക മതമാണ്. അതായത് ലോകത്തെ എല്ലാ രാജ്യങ്ങളിലും എല്ലാ പ്രദേശങ്ങളിലും, എല്ലാ മനുഷ്യ വംശങ്ങളിലും മുസ്‌ലിംകൾ ഉണ്ട്. കൂടാതെ ലോകത്ത് ഏറ്റവും വേഗതയിൽ വളർന്നുകൊണ്ടിരിക്കുന്ന മതം ഇസ്‌ലാം ആണ്.

http://www.ariyuka.com/ഇസ്ലാം-മതം/